🌙 Роббим, сенга ишонаман мен. Илк онимдан сўнгги нафасга қадар. Қалбимни кемириб, ўртаганда ғам Ишонаман нолон кунларимда ҳам. Ҳайқиргим келганда бахтдан, қувончдан Ишонаман шодон кунларимда ҳам... Сенга ишонаман, Аллоҳим... Баъзан иймонимдан шубҳа қилсам ҳам, Бошимга деворлар қулаган каби Оғир юк остида қолса-да елкам. Сенга ишонаман, эшитяпсанми? Ишонаман сенга, эй буюк Тангрим, Ҳатто ўз Ватаним, ўз тупроғимга Бу танам бегона туюлганда ҳам Баланд уйим торлик қилган кунларда, Кенг хонам зиндонга айланганда ҳам Сенга ишонаман... Сенга ишонаман, сенга эй Раббий! Барча синовингга рози келаман Юз бор тириламан, юз бор ўламан, Сабоқлар оламан, буюк Мураббий. Сенга ишонаман, ёлғиз Ҳабибим, Ҳақни танитасан, бошим силайсан Илоҳий, кўринмас қўлларинг билан. Севгинг - қуёшимдир, буюк Табибим. Сенга ишонаман, биламан Роббим, Кулфатинг = энг олий ҳикматдир менга, Дардим сен топширган мукофотимдир. Бу жоним, бу қалбим омонат сенга. Ёлғиз сен берарсан руҳимга таскин, Ёлғиз сен биларсан қалбимда не бор. Тилимда айланар шу сўзлар такрор: Сенга ишонаман, эй Азиз Роббим, Сенга ишонаман Роҳман-у Раҳийм! ✍️ Ушбу сатрларни маромига етказган Шохинурга рахматларим ❤️🙏🏻